«Kun Jarygy» Коалициясы бизнес үшін – өнім жеткізушілерге курс ұйымдастырды
2023 жылғы 14 қыркүйекте Қазақстанда мемлекеттік сатып алуға қатысатын кәсіпкерлерге арналған онлайн курс (вебинар) өтті.
Тренингті мемлекеттік сатып алудың қоғамдық мониторингі қауымдастығының мүшелері – «Kun Jarygy» коалициясы, «Цифрлық қоғам» ҚҚ және үлкен деректерді талдау және визуализациялауға маманданған қазақстандық Datanomix IT-компаниясы өткізді.
Бұл үшін Datanomix жалпыға қолжетімді және ақысыз деректерді талдау модулін әзірледі.
Datanomix мамандары 17 саладан келген 40 адамға мыналарды үйретті:
- қандай компаниялар мемлекеттік сатып алуға қатысатынын және олар қандай тауарлар немесе қызметтер ұсынатынын қалай зерттеуге болады. Бұл мемлекеттік сатып алу нарығында қандай компаниялардың бәсекелес екенін түсінуге көмектеседі.
- бұрын әртүрлі мемлекеттік ұйымдар қандай тауарлар мен қызметтерге тапсырыс бергенін талдау. Бұл сіздің ұсыныстарыңызға қандай тұтынушылар қызығушылық танытуы мүмкін екенін түсінуге көмектеседі.
- мемлекеттік сатып алу нарығында қандай тауарлар мен қызметтердің сұранысқа ие екенін анықтау үшін Бірыңғай ұлттық статистикалық сауда және сатып алу классификациясына сәйкес жиналған сатып алу деректерін пайдалану. Бұл жеткізу үшін тауарларды таңдау стратегиясын қалыптастыруға көмектеседі.
- бәсекелестер ұсынатын бағаларды және алдыңғы сатып алулар үшін қандай бағалар болғанын талдау. Бұл сіздің өнімдеріңізге оңтайлы баға саясатын анықтауға және мемлекеттік сатып алу нарығында бәсекеге қабілетті болуға көмектеседі.
Соңында Коалиция мен Datanomix сарапшылары қатысушылармен тәжірибе алмасты.
Айта кету керек, «Kun Jarygy» коалициясы – Қазақстандағы мемлекеттік сатып алулардың ашықтығы, айқындығы және тиімділігі саласында мониторинг, талдау, зерттеу және ақпараттық-насихаттау жұмыстарын жүзеге асыратын азаматтық қоғамның тәуелсіз және белсенді өкілдерінің қауымдастығы.
Коалиция сарапшыларының зерттеулері мен талдаулары туралы prozakup.kz сайтынан оқи аласыздар.
Вебинардың жазбасы https://youtu.be/1BtgYX1BoLE мекенжайында қолжетімді.
